LA SCARPE

Amicalement et confraternellement à Clotaire Lerycke, poète patoisant, le Barde de Mouscron (Belgique)

Traversant tranquill’mint nos vill’s et nos villaches,

Où règ’nt él’z’industri’s, not’ rich’ Pays Minier ;

All’ coul’ paisiblemint portant el’marinier

Sur ses flots frémissants qui butent les halaches.

All’ va ainsi sans fin, én’restant point in plache,

Sous l’ciel gris dé s’région qu’all n’peut point renier ;

Restant l’pus viux témoin à l’avoir vu saigner

Au temps d’l’invahisseur et d’ses agressions lâches.

Ses iaux, réel miroir éd’not’ vi’ laborieuse,

Arflèt’nt tout in allant et d’eun’ façon curieuse,

Les imag’s grandios’s éd’note activité.

Et comme un vert ruban sur él’quel él’péniche,

Silincieuse et querqué’ lourdemint, va et gliche,

La Scarp’ coule in rêvant d’un bonheur mérité.

R. Boyaval  - Dans la Cité de Gayant